ബജറ്റ്​ അവഗണിച്ചെന്ന് പ്രവാസി കോൺഗ്രസ്

അമ്പലപ്പുഴ: കോവിഡ്‌ പ്രതിസന്ധിയിൽ തിരിച്ചെത്തിയ പ്രവാസിസമൂഹത്തെ ബജറ്റില്‍ അവഗണിച്ചെന്ന് കേരള പ്രദേശ്‌ പ്രവാസി കോൺഗ്രസ് സംസ്ഥാന ജനറൽ സെക്രട്ടറി യു.എം. കബീർ. കഴിഞ്ഞ ബജറ്റിലെ പ്രഖ്യാപനങ്ങൾ പലതും നടപ്പാക്കാത്ത സർക്കാർ ഇപ്പോഴത്തേതിലും കാര്യമായ പുനരധിവാസ പദ്ധതികളൊന്നും പ്രഖ്യാപിച്ചിട്ടില്ല. പ്രവാസികൾക്കായി പ്രായോഗികവും ഫലപ്രദവുമായ നടപടികൾ സ്വീകരിക്കാൻ വൈകിയാൽ പ്രക്ഷോഭം സംഘടിപ്പിക്കുമെന്ന് കബീർ പറഞ്ഞു.