കെ-റെയിൽ: സിന്ധു ജയിംസിന്​ ജാമ്യം

ചെങ്ങന്നൂർ: കെ-റെയിൽ സിൽവർ ലൈൻ വിരുദ്ധ ജനകീയ സമിതി ജില്ല കമ്മിറ്റി അംഗം സിന്ധു ജയിംസ് ജയിൽമോചിതയായി. ചെങ്ങന്നൂരിലെ മുളക്കുഴ പിരളശ്ശേരിയിൽ നടന്ന കല്ലിടൽ പ്രതിഷേധത്തെ തുടർന്നാണ്​ അറസ്റ്റിലായത്​. തിങ്കളാഴ്ചയാണ്​ കോടതി ജാമ്യം അനുവദിച്ചത്​. ചൊവ്വാഴ്ച രാവിലെ ഇറങ്ങിയശേഷം സെക്രട്ടേറിയറ്റിന് മുന്നിൽ മഹിള സാംസ്കാരിക സംഘടന സംസ്ഥാന പ്രസിഡന്‍റ്​ എസ്. സൗഭാഗ്യ കുമാരിയുടെ നേതൃത്വത്തിൽ മഹിള സാംസ്കാരിക സംഘടനയും സമര സമിതി തിരുവനന്തപുരം ജില്ല കമ്മിറ്റിയും സ്വീകരണം നൽകി.