'അണിചേരാം, സ്ത്രീപക്ഷ നവ കേരളത്തിനായി' പരിപാടി സംഘടിപ്പിച്ചു

അമ്പലപ്പുഴ: അന്താരാഷ്ട്ര വനിത ദിനാചരണ ഭാഗമായി എഫ്.എസ്.ഇ.ടി.ഒയുടെ നേതൃത്വത്തിൽ അണിചേരാം സ്ത്രീപക്ഷ നവ കേരളത്തിനായി മുദ്രാവാക്യമുയർത്തി പരിപാടി സംഘടിപ്പിച്ചു. ആലപ്പുഴ മെഡിക്കൽ കോളജ് ഓഡിറ്റോറിയത്തിന് മുന്നിൽ നടന്ന പരിപാടിയുടെ ഉദ്ഘാടനം മെഡിക്കൽ കോളജ് വൈസ് പ്രിൻസിപ്പൽ ഡോ. സൈറു ഫിലിപ് നിർവഹിച്ചു. എൻ.ജി.ഒ യൂനിയൻ സംസ്ഥാന കമ്മിറ്റി അംഗം എൽ. മായ പ്രതിജ്ഞ ചൊല്ലിക്കൊടുത്തു. അധ്യാപകർ, ജീവനക്കാർ, വിദ്യാർഥികൾ തുടങ്ങിയവർ പങ്കെടുത്തു. കെ.ജി.ഒ.എ ഏരിയ പ്രസിഡന്‍റ്​ ഡോ. വിശ്വകല, ഫാർമകോളജി വകുപ്പ് മേധാവി ഡോ. മഞ്ജു, സി.സി. നയനൻ, ശോശാമ്മ, പി. സുരേഷ്, സുനി രാജ്, പ്രവീൺ എന്നിവർ സംസാരിച്ചു.