കടലിൽ മുങ്ങിയ വിദ്യാർഥിയെ രക്ഷിച്ച സൈമണിനെ ആദരിച്ചു

തുറവൂർ: കടലിൽ കുളിക്കുന്നതിനിടെ മുങ്ങിത്താഴ്ന്ന വിദ്യാർഥിയെ രക്ഷപ്പെടുത്തിയ മത്സ്യത്തൊഴിലാളിക്ക് ആദരം. കുത്തിയതോട് പഞ്ചായത്ത് 16ാം വാർഡ്, പള്ളിത്തോട് കടവുങ്കൾ വീട്ടിൽ സൈമണിനെയാണ് ആദരിച്ചത്​. കഴിഞ്ഞ ഒന്നാം തീയതി പള്ളിത്തോട് സ്കൂളിന് പടിഞ്ഞാറ് കടലിൽ മൂന്നു കുട്ടികൾ കുളിക്കുന്നതിനിടെയാണ് ഒരാൾ മുങ്ങിത്താഴ്ന്നത്. കൂടെയുണ്ടായിരുന്ന കുട്ടികൾ ബഹളമുണ്ടാക്കിയതിനെത്തുടർന്ന് ആ വഴി പോയ സൈമൺ കടലിലേക്ക് ചാടി കുട്ടിയെ രക്ഷപ്പെടുത്തി കരക്കെത്തിച്ചശേഷം പ്രഥമശുശ്രൂഷ നൽകി. സ്വന്തം ജീവൻ നോക്കാതെ വിദ്യാർഥിയുടെ രക്ഷകനായി മാറിയ സൈമണി​നെ വിവിധ സംഘടനകൾ ആദരിച്ചു. പടം : സൈമണിനെ എ.ഐ.വൈ.എഫ് കോസ്റ്റൽ മേഖലയുടെ നേതൃത്വത്തിൽ ആദരിച്ചപ്പോൾ