കാറും ലോറിയും കൂട്ടിയിടിച്ച് അഞ്ചുപേർക്ക് പരിക്ക്

ഹരിപ്പാട്: ദേശീയപാതയിൽ ചേപ്പാടിന് സമീപം കാറും ലോറിയും കൂട്ടിയിടിച്ചുണ്ടായ അപകടത്തിൽ കുട്ടി ഉൾപ്പെടെ അഞ്ചുപേർക്ക് പരിക്കേറ്റു. കാർ യാത്രികരായ വർക്കല വെട്ടൂർ നിസരി വീട്ടിൽ അബു സാലി, അൻസീർ, ശാലിമ, സലീല, നാലു വയസ്സുകാരൻ ആരോൺ എന്നിവർക്കാണ് പരിക്കേറ്റത്. കൊല്ലം ഭാഗത്തുനിന്ന്​ കൊച്ചിയിലെ സ്വകാര്യ ആശുപത്രിയിലേക്ക് പോവുകയായിരുന്നു കാർ യാത്രികർ. കായംകുളം ഭാഗത്തേക്ക് പോവുകയായിരുന്ന പാചകവാതക സിലിണ്ടർ കയറ്റി വന്ന ലോറിയാണ്​ ഇടിച്ചത്​. പരിക്കേറ്റവരെ കായംകുളം താലൂക്ക് ആശുപത്രിയിലെത്തിച്ച് പ്രാഥമിക ചികിത്സ നൽകിയശേഷം വണ്ടാനം മെഡിക്കൽ കോളജ്​ ആശുപത്രിയിലേക്ക് മാറ്റി.