കലക്ടർ ഡോ. രേണുരാജ് ഇന്ന്​ ചുമതലയേൽക്കും

ആലപ്പുഴ: നിയുക്ത കലക്ടർ ഡോ. രേണുരാജ് വ്യാഴാഴ്ച ചുമതല ഏറ്റെടുക്കും. ഫെബ്രുവരി 28ന്​ വിരമിച്ച എ. അലക്സാണ്ടർക്ക്​ പകരമായാണ്​ എത്തുന്നത്​. നഗരകാര്യ ഡയറക്ടറായിരുന്നു. കലക്ടറായി ആദ്യ നിയമനമാണ്​. കുട്ടനാട് താലൂക്കിനോട്​ ചേർന്ന് കോട്ടയം ജില്ലയിലെ തുരുത്തി ഇത്തിത്താനമാണ്​ സ്വദേശം. കോട്ടയംപോലെതന്നെ അടുത്തറിയാവുന്ന സ്ഥലമായ ആലപ്പുഴയിലാണ് ആദ്യമായി ഇവർ കലക്ടറാകുന്നതെന്ന പ്രത്യേകതയുമുണ്ട്​. കോട്ടയം മെഡിക്കൽ കോളജിലാണ് പഠിച്ചത്​​. -B -B