മേട്ടുംപുറം മഖാം ഉറൂസിന് ഇന്ന് തുടക്കം

ചാരുംമൂട്: ആദിക്കാട്ടുകുളങ്ങര മുസ്​ലിം ജമാഅത്ത് മേട്ടുംപുറം മഖാം ഉറൂസ്​ വ്യാഴാഴ്ച തുടങ്ങി ആറിന് സമാപിക്കും. വ്യാഴാഴ്ച രാവിലെ ഏഴിന് പ്രാർഥനക്ക് ശേഷം ജമാഅത്ത് പ്രസിഡന്‍റ്​ ഹാഷിം ഹബീബ് കൊടിയേറ്റ് നിർവഹിക്കും. ഉറൂസ് ദിനങ്ങളിൽ രാവിലെ എട്ടിന് മഖാം സിയാറത്തും നേർച്ചകൾ അർപ്പിക്കലും നടക്കും. നാലിന് രാവിലെ എട്ട് മുതൽ മജ്​ലിസുന്നൂർ, അഞ്ചിന് രാത്രി എട്ടിന് മതപ്രഭാഷണം, 11 ന് ദുആയ്ക്ക് ചീഫ് ഇമാം ഫഹ്റുദീൻ അൽഖാസിമി നേതൃത്വം നൽകും. തുടർന്ന് അന്നദാന ചടങ്ങ് നടക്കും. 10 ന് നടക്കുന്ന ദുആ മജ്‌ലിസിന് ശിഹാബുദ്ദീൻ അൽ അഹ്ദൽ നേതൃത്വം നൽകും. കോവിഡ് മാനദണ്ഡങ്ങൾ പാലിച്ചാണ് ചടങ്ങുകൾ നടക്കുന്നതെന്ന് ജമാഅത്ത് പ്രസിഡന്‍റ്​ ഹാഷിം ഹബീബ്, സെക്രട്ടറി യൂസുഫ് റാവുത്തർ, ട്രഷറർ സാബു ഹബീബ്, വൈസ് പ്രസിഡന്‍റ്​ അനീഷ് ഉസ്മാൻ, ജോയന്‍റ്​ സെക്രട്ടറി എൻ. അനീഷ് എന്നിവർ അറിയിച്ചു.