തോട് കൈയേറി കൽക്കെട്ട് നിർമിച്ചതിനെതിരെ പരാതി

അമ്പലപ്പുഴ: തോട് കൈയേറി കൽക്കെട്ട് നിർമിച്ചതിനെതിരെ പഞ്ചായത്ത് അംഗത്തി‍ൻെറ പരാതി. തെക്ക് പഞ്ചായത്ത് 12ാം വാർഡ്​ അംഗം മനോജ് കുമാറാണ് സെക്രട്ടറിക്ക് പരാതി നൽകിയത്. അമ്പലപ്പുഴ പോസ്റ്റ് ഓഫിസ്-ലഡുമുക്ക് റോഡിന് സമീപം കുരിയാറ്റുപുറം തോട് കൈയേറിയാണ് നിർമാണം. നീരൊഴുക്ക് തടസ്സപ്പെടുന്ന രീതിയിൽ ഏകദേശം ഒന്നരമീറ്റർ വീതിയിലാണ് ഒരാഴ്ച മുമ്പ്​ കുറുകെ കൽക്കെട്ട് പൂർത്തിയാക്കിയത്. പഞ്ചായത്തിൽനിന്നോ വില്ലേജിൽനിന്നോ അനുമതി വാങ്ങാതെയാണ് സ്വകാര്യ വ്യക്തിയുടെ നടപടി. നീർത്തട സംരക്ഷണ നിയമം കാറ്റിൽപറത്തി നടത്തിയ അനധികൃത കൈയേറ്റത്തിനെതിരെ ശക്തമായ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു .(ചിത്രം..തോട് കൈയേറി നിര്‍മിച്ച കല്‍ക്കെട്ട്)