മദ്യപിച്ച് ജോലിക്കെത്തിയ ഹെൽത്ത് ഇൻസ്​പെക്ടര്‍ക്കെതിരെ കേസെടുത്തു

അമ്പലപ്പുഴ: മദ്യപിച്ച് ജോലിക്കെത്തിയ ഹെൽത്ത് ഇൻസ്​പെക്ടറെ നാട്ടുകാർ കൈയോടെ പൊക്കി. തകഴി ആശുപത്രിയിലെ ഹെൽത്ത് ഇൻസ്​പെക്ടർ ആര്യാട് ഗുരുപുരം കുന്നുങ്കൽ വീട്ടിൽ സുമൻ ജേക്കബിനെയാണ് (50) പിടികൂടിയത്. പൾസ് പോളിയോ വിതരണദിനമായ ഞായറാഴ്ച രാവിലെ വിവിധ ബൂത്തുകളിൽ മരുന്നു വിതരണത്തിന് ഇദ്ദേഹം മദ്യപിച്ചാണ്​ എത്തിയത്. ഇത് ശ്രദ്ധയിൽപെട്ട നാട്ടുകാർ അറിയിച്ചതനുസരിച്ച് അമ്പലപ്പുഴ പൊലീസെത്തി ഇദ്ദേഹത്തെ കസ്റ്റഡിയിലെടുത്തു. കേസെടുത്ത ശേഷം ജാമ്യം നൽകി വിട്ടയച്ചു.