ലഹരിമുക്തി ക്ലബ് രൂപവത്​കരികരിച്ചു

മാന്നാർ: കുരട്ടിക്കാട് കെ.ആർ.സി വായനശാലയിൽ ലഹരിമുക്തി ക്ലബ് രൂപവത്​കരണവും ലഹരിവിരുദ്ധ ബോധവത്കരണ ക്ലാസും നടന്നു. സമ്മേളനം മാന്നാർ ഗ്രാമപഞ്ചായത്ത്‌ പ്രസിഡന്റ് ടി.വി. രത്നകുമാരി ഉദ്​ഘാടനം ചെയ്തു. പ്രഫ. പി.ഡി. ശശിധരൻ മുഖ്യപ്രഭാഷണം നടത്തി. ശാസ്ത്ര സാഹിത്യ പരിഷത്ത് ചെങ്ങന്നൂർ മേഖല പ്രസിഡന്റ് ജി. ജയകൃഷ്ണൻ ലഹരിവിരുദ്ധ ബോധവത്കരണ ക്ലാസ് നയിച്ചു. ലൈബ്രറി കൗൺസിൽ ചെങ്ങന്നൂർ താലൂക്ക് പ്രസിഡന്റ് എൽ.പി. സത്യപ്രകാശ്, രഞ്ജിത്ത് എന്നിവർ സംസാരിച്ചു.