ഓർഫനേജസ് ആൻഡ്​ ചാരിറ്റബിൾ സൊസൈറ്റി അസോ. ജില്ല സമ്മേളനം

അമ്പലപ്പുഴ: ഓർഫനേജസ് ആൻഡ്​ ചാരിറ്റബിൾ സൊസൈറ്റി അസോസിയേഷൻ ജില്ല സമ്മേളനം പുന്നപ്ര സെന്‍റ്​ ജോസഫ് അഗതിമന്ദിരത്തിൽ നടന്നു. അസോസിയേഷൻ ജില്ല പ്രസിഡന്‍റ്​ ഫാ. ബിജോയ് അറയ്ക്കൽ അധ്യക്ഷത വഹിച്ചു. ഉദ്യോഗസ്ഥരിൽനിന്ന്​ സ്ഥാപന അധികാരികൾ നേരിടുന്ന ബുദ്ധിമുട്ടുകൾ ഉന്നത ഉദ്യോഗസ്ഥരെ അറിയിക്കാൻ യോഗം തീരുമാനിച്ചു. സ്ഥാപന അധികാരികൾക്ക്​ വിവിധ പരിശീലന പരിപാടികൾ നടപ്പാക്കാനും തീരുമാനിച്ചു. അഗതി, അനാഥ പി.ആർ.സി സെന്‍ററുകളിലെ അന്തേവാസികൾക്ക്​ ജില്ല ലീഗൽ സർവിസ് അതോറിറ്റിയുടെ നേതൃത്വത്തിൽ നിയമസഹായ ക്ലിനിക് ആരംഭിക്കണമെന്നും യോഗം ആവശ്യപ്പെട്ടു. ഓർഫനേജ് കൺട്രോൾ ബോർഡ് അംഗം ഫാ. ജോഷ്വ, ജില്ല സെക്രട്ടറി പി.വി. ആന്‍റണി എന്നിവർ സംസാരിച്ചു.