ഭാര്യയുടെ പരാതിയിൽ ഭർത്താവ്​ അറസ്റ്റിൽ

ചാരുംമൂട്: നിരന്തരം ശാരീരികമായും മാനസികമായും പീഡിപ്പിക്കുന്നതായ ഭാര്യയുടെ പരാതിയിൽ ഭർത്താവ് അറസ്​റ്റിൽ. നൂറനാട് പടനിലം നടുവിലേമുറി കൃഷ്ണഭവനത്തിൽ ബിനുവിനെയാണ്​ (34) നൂറനാട് പൊലീസ് അറസ്​റ്റ്​ ചെയ്തത്​. ഗൾഫിലായിരുന്ന ബിനു ഒരുവർഷമായി നാട്ടിലുണ്ട്. ഭർതൃവീട്ടിൽ പീഡനം പതിവായിരുന്നുവെന്നാണ് ഭാര്യയുടെ പരാതിയെന്ന് പൊലീസ് പറഞ്ഞു. കോടതിയെ സമീപിച്ച് സംരക്ഷണം നേടിയാണ്​ ഇപ്പോൾ ക​ഴിയുന്നതെന്നും പരാതിയിൽ പറയുന്നു. ഭാര്യ കഴിഞ്ഞ ദിവസം നൂറനാട്ടെ സ്വകാര്യ ആശുപത്രിയിൽ ചികിത്സക്ക് എത്തിയപ്പോൾ അവിടെയെത്തിയും പ്രശ്നങ്ങൾ ഉണ്ടാക്കിയതോടെയാണ്​ അറസ്റ്റ്​ ചെയ്തത്​. ബിനുവിന്റെ മാതാപിതാക്കൾക്കെതിരെയും കേസെടുത്തതായി പൊലീസ്​ പറഞ്ഞു.