അരൂർ സി.ഡി.എസ് തെരഞ്ഞെടുപ്പിൽ സി.പി.എമ്മിന് തിരിച്ചടി

തുറവൂർ: അരൂർ ഗ്രാമപഞ്ചായത്ത്‌ കുടുംബശ്രീ സി.ഡി.എസ് ചെയർപേഴ്സൻ തെരഞ്ഞെടുപ്പിൽ സി.പി.എമ്മിന് കനത്ത തിരിച്ചടി. ഔദ്യോഗിക സ്ഥാനാർഥിക്കെതിരെ മത്സരിച്ച വിമത സ്ഥാനാർഥിയാണ്​ ജയിച്ചത്​. സി.പി.എം വിമതയായി രംഗത്തുവന്ന നിലവിലെ ചെയർപേഴ്​സൻ രേണുക ദിനേശൻ ആണ് ഔദ്യോഗിക സ്ഥാനാർഥി വനജ കുഞ്ഞച്ചനെ പരാജയപ്പെടുത്തിയത്. സി.പി.ഐയും കോൺഗ്രസും രേണുകയെ പിന്തുണച്ചു. അരൂർ ഗ്രാമപഞ്ചായത്ത് സി.ഡി.എസ് ചെയർപേഴ്സൻ സ്ഥാനം പട്ടികജാതി വിഭാഗത്തിന് സംവരണം ചെയ്യപ്പെട്ടിട്ടുള്ളതാണ്.