'ഗ്രാമീണ താളങ്ങൾ' കവിത സമാഹാരം പ്രകാശനം ചെയ്തു

ചേർത്തല: റംല ഹനീഫ് വയലാർ രചിച്ച കവിത സമാഹാരമായ 'ഗ്രാമീണതാളങ്ങ'ളുടെ പ്രകാശനവും സാഹിത്യസംഗമം ഉദ്ഘാടനവും ഗാനരചയിതാവ് വയലാർ ശരത്ചന്ദ്രവർമ നിർവഹിച്ചു. സംസ്കാരയുടെ പ്രതിമാസ പരിപാടിയോടനുബന്ധിച്ച് വയലാർ രാമവർമ സ്മാരകത്തിൽ നടന്ന ചടങ്ങിൽ പ്രസന്നൻ അന്ധകാരനഴിക്ക്​ നൽകിയാണ് പുസ്തകം പ്രകാശനം ചെയ്തത്. കവി ഗൗതമൻ തുറവൂരിനെ ആദരിച്ചു. സംസ്കാര പ്രസിഡന്റ് ഗീത തുറവൂർ അധ്യക്ഷത വഹിച്ചു. ബേബി തോമസ്, വെട്ടയ്ക്കൽ മജീദ്, വയലാർ ലത്തീഫ്, എ.കെ. ഷറീഫ്, ഫൈസൽ, ഡോ. നാദിർഷാ, റംല ഹനീഫ് എന്നിവർ സംസാരിച്ചു.