പൊലീസിനെ ആക്രമിച്ച കേസിൽ ഒളിവിലായിരുന്ന പ്രതികൾ പിടിയിൽ

അമ്പലപ്പുഴ: പൊലീസിനെ ആക്രമിച്ച കേസിൽ ഒളിവിലായിരുന്ന പ്രതികൾ പിടിയിലായി. അമ്പലപ്പുഴ വടക്ക് പഞ്ചായത്ത് വണ്ടാനം മാടവനത്തോപ്പ് വീട്ടിൽ അനൽ ബാബു (31), മാടവനത്തോപ്പ് വീട്ടിൽ അമൽ ബാബു (28), പുതുവൽ വീട്ടിൽ കനീഷ് (46) എന്നിവരെയാണ് പുന്നപ്ര ​പൊലീസ് അറസ്റ്റ് ചെയ്തത്. ഒരു മാസം മുമ്പ്​ വണ്ടാനം മാധവൻമുക്കിന് സമീപമായിരുന്നു സംഭവം. ഇവിടെ റോഡ്​ ഗതാഗതം തടസ്സപ്പെടുത്തി ഒരു സംഘം ആഘോഷം നടത്തിയതറിഞ്ഞ് എത്തിയ പൊലീസിനുനേരെയാണ് ആക്രമണം നടന്നത്. സംഭവത്തിൽ പൊലീസുകാർക്ക് പരിക്കേൽക്കുകയും പൊലീസ് ജീപ്പ് തകർക്കുകയും ചെയ്തിരുന്നു. 24ഓളം പേർക്കെതിരെയാണ് കേസ്​ എടുത്തിരുന്നത്. അറസ്റ്റിലായ പ്രതികളെ റിമാൻഡ്​ ചെയ്തു. APL KANEESH കനീഷ് APL AMALBABU അമൽ ബാബു APL ANALBABU അനൽ ബാബു