പൗരാവകാശ നിഷേധം ഭരണഘടന ലംഘനം -റാവുത്തർ ഫെഡറേഷൻ

ചാരുംമൂട്: പൗരന്മാർക്ക് ഭരണഘടന ഉറപ്പുനൽകുന്ന അവകാശങ്ങൾ നിഷേധിക്കപ്പെടുന്ന നീക്കത്തിൽനിന്ന് ഭരണകൂടം പിന്തിരിയണമെന്ന് റാവുത്തർ ഫെഡറേഷൻ സംസ്ഥാന ജനറൽ സെക്രട്ടറി ചുനക്കര ഹനീഫ. റാവുത്തർ ഫെഡറേഷൻ ജില്ല പ്രവർത്തക കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം. മീഡിയവൺ ചാനലിന്‍റെ സംപ്രേഷണാനുമതി ഉടൻ പുനഃസ്ഥാപിക്കണമെന്ന്​ യോഗം ആവശ്യപ്പെട്ടു. ജില്ല പ്രസിഡന്‍റ്​ നസീർ സീദാർ അധ്യക്ഷത വഹിച്ചു. സംസ്ഥാന സീനിയർ വൈസ് പ്രസിഡന്‍റ്​ എ. അബ്ദുൽ അസീസ്, പി.എം. ഷെരീഫ്, കെ. ഷംസുദ്ദീൻ, അനീഷ് താമരക്കുളം, നിസാർ അബ്ബാസ്, ബഷീർ, ജില്ല ജനറൽ സെക്രട്ടറി എസ്. ഷാജഹാൻ എന്നിവർ സംസാരിച്ചു.. ഭാരവാഹികൾ: എൻ. സുബൈർ (പ്രസി), അനസ് കൊച്ചാലും വിളയിൽ (വർക്കിങ് പ്രസി), എസ്. മുജീബ് റഹ്മാൻ (വൈസ്​ പ്രസി), എസ്. ഷാജഹാൻ (ജന. സെക്ര), അൻസാർ ആദിക്കാട് (ഓർഗനൈസിങ് സെക്ര), അനീസ് മാലിക്​ (ജോ. സെക്ര.) ജാഫർ ഖാൻ (ട്രഷ.). ഫോട്ടോ: റാവുത്തർ ഫെഡറേഷൻ ജില്ല ഭാരവാഹികൾ 1 -എൻ. സുബൈർ (പ്രസി) 2-എസ്. ഷാജഹാൻ (ജന.സെക്ര)