ഹൈടെക് ക്ലാസ് മുറികൾ ഉദ്​ഘാടനം ചെയ്തു

അമ്പലപ്പുഴ: പുന്നപ്ര ഗവ. മുസ്​ലിം എൽ.പി സ്കൂളിൽ എം.എൽ.എ ആസ്തി വികസനഫണ്ട്​ ഉപയോഗിച്ച്​ നിർമിച്ച ഹൈടെക് ക്ലാസ് മുറികൾ എച്ച്.സലാം എം.എൽ.എ ഉദ്ഘാടനം ചെയ്തു. 26.5 ലക്ഷം രൂപ ചെലവിൽ സൗണ്ട് പ്രൂഫ് സംവിധാനങ്ങൾ സജ്ജീകരിച്ച ക്ലാസ് മുറികളിൽ ഒരു മീറ്റർ നീളമുള്ള ടെലിവിഷൻ സംവിധാനവുമുണ്ട്. 2017-18 കാലയളവിൽ മന്ത്രിയായിരുന്ന ജി.സുധാകരനാണ് സ്കൂളിന് പണം വകയിരുത്തിയത്. സ്കൂൾ അങ്കണത്തിൽ ചേർന്ന സമ്മേളനത്തിൽ പഞ്ചായത്ത് പ്രസിഡന്‍റ്​ പി.ജി. സൈറസ് അധ്യക്ഷത വഹിച്ചു. ( ചിത്രം... ഹൈടെക് ക്ലാസ് മുറികൾ എച്ച്. സലാം എം.എൽ.എ ഉദ്ഘാടനം ചെയ്യുന്നു)