യുവാവ് വീടിനു തീയിട്ടു; സിലിണ്ടർ പൊട്ടിത്തെറിച്ച്​ വീട് തകർന്നു

മാവേലിക്കര: യുവാവ് വാടകവീടിനു തീയിട്ടു. ഗ്യാസ് സിലിണ്ടർ പൊട്ടിത്തെറിച്ച്​ വീട് പൂർണമായി തകർന്നു. കണ്ടിയൂർ എബനേസർ വീട്ടിൽ വാടകക്ക് താമസിക്കുന്ന മറ്റം തെക്ക് ഈപ്പൻപറമ്പിൽ തെക്കേതിൽ കെ. സാബുവാണ്​ (46) ഞായർ പുലർച്ച വാടകവീടിനു തീയിട്ടത്. സിലിണ്ടർ പൊട്ടിത്തെറിച്ചു വീടിന്റെ മേൽക്കൂരയും ഭിത്തിയും തകർന്നു. വീട്ടിലെ സാധനങ്ങളും കത്തിനശിച്ചു. സാബു വീട്ടിൽ സ്ഥിരമായി ബഹളം ഉണ്ടാക്കുന്നതിനെ തുടർന്നു ഭാര്യ മക്കളുമായി സ്വന്തം വീട്ടിലേക്കു പോയിരുന്നു. സംഭവമറിഞ്ഞെത്തിയ അഗ്നിരക്ഷാസേനയും പൊലീസും നാട്ടുകാരും ചേർന്നാണ്​ തീയണച്ചത്. സാബുവിനെ പൊലീസ് കസ്റ്റഡിയിലെടുത്തു. വീടിന്റെ ഉടമസ്ഥനു പരാതിയില്ലെന്ന് അറിയിച്ചതായി പൊലീസ് പറഞ്ഞു. ഫോട്ടോ:. ഗ്യാസ് സിലിണ്ടർ പൊട്ടിത്തെറിച്ച് പൂർണമായി തകർന്ന വീട്