പാടശേഖരങ്ങൾക്ക് സംരക്ഷണഭിത്തിയൊരുക്കുന്നു

അമ്പലപ്പുഴ: അമ്പലപ്പുഴ വടക്ക് പഞ്ചായത്തിലെ മൂന്ന് പാടശേഖരത്തിന്​ സംരക്ഷണഭിത്തിയൊരുങ്ങുന്നു. നാനേകാട്, കപ്പാംവേലി, കാരോട്ട് പാടശേഖരങ്ങൾക്കാണ് കരിങ്കൽ സംരക്ഷണഭിത്തി കെട്ടുന്നത്​. നബാർഡിൽനിന്ന് 2.61 കോടി ചെലവിലാണ് പദ്ധതി. നാനേകാട് 750 മീറ്റർ സംരക്ഷണഭിത്തിയും രണ്ട്​ റാമ്പുകളും കപ്പാംവേലിയിൽ 1320 മീറ്റർ സംരക്ഷണഭിത്തിയും ബോക്സ്​ കൽവെർട്ടുകളും റാമ്പും കാപാടത്ത് 1085 മീറ്റർ കരിങ്കൽഭിത്തിയും റാമ്പും ബോക്സ് കൽവെർട്ടുകളുമാണ് നിർമിക്കുക. നിർമാണോദ്​ഘാടനം എച്ച്​. സലാം എം.എൽ.എ നിർവഹിച്ചു. പഞ്ചായത്ത് പ്രസിഡന്‍റ്​ എസ്. ഹാരിസ് അധ്യക്ഷത വഹിച്ചു. വൈസ് പ്രസിഡന്‍റ്​ പി.എം. ദീപ, ബ്ലോക്ക് പഞ്ചായത്ത്​ അംഗം വി.ആർ. അശോകൻ, പഞ്ചായത്ത്​ അംഗം വി. ധ്യാനസുതൻ, നാനേകാട് പാടശേഖര സമിതി സെക്രട്ടറി പ്രേംലാൽ, ലൈജു മാണി എന്നിവർ സംസാരിച്ചു. ജില്ല മണ്ണ് സംരക്ഷണ ഓഫിസർ കെ. സത്യൻ സ്വാഗതം പറഞ്ഞു.