വഴിയാത്രക്കാരിയുടെ മാല പൊട്ടിച്ചുകടന്നു

തുറവൂർ: ബൈക്കിലെത്തിയ മോഷ്ടാവ്​ വഴിയാത്രക്കാരിയുടെ അഞ്ച് പവ‍‍ൻെറ മാല പൊട്ടിച്ചു കടന്നു. കുത്തിയതോട് പഞ്ചായത്ത് പത്താം വാർഡ് കുറുമ്പിൽ നികർത്തിൽ വീട്ടിൽ സഹദേവ‍ൻെറ ഭാര്യ ബിന്ദുവി‍ൻെറ ( 42) മാലയാണ് പൊട്ടിച്ചത്. വൈകീട്ട് നാലോടെ തഴുപ്പ് ഭാഗത്തുവെച്ചായിരുന്നു സംഭവം. പ്രദേശത്തെ കയർ കമ്പനിയിൽ ജീവനക്കാരിയായ ഇവർ ജോലി കഴിഞ്ഞ് വീട്ടിലേക്ക് പോകുമ്പോഴാണ് സംഭവം. കുത്തിയതോട് പൊലീസ് അന്വേഷണം ആരംഭിച്ചു.