ജോലി തട്ടിപ്പ്; കസ്റ്റഡിയിൽ കിട്ടാൻ വൈകും

ചേർത്തല: പൊതുമേഖല സ്ഥാപനങ്ങളിൽ ജോലി വാഗ്​ദാനം ചെയ്ത് ഒരു കോടിക്കുമേലെ തട്ടിപ്പ് നടത്തിയ കേസിൽ പ്രധാന പ്രതിയായ യുവതിയെ വീണ്ടും പൊലീസ് കസ്റ്റഡിയിൽ കിട്ടാൻ വൈകും. പൊലീസിന്‍റെ കസ്റ്റഡിയിൽ വിട്ട പ്രധാന പ്രതി ഇന്ദു (സാറ-35) കുഴഞ്ഞുവീണിരുന്നു. അസ്വസ്ഥത പ്രകടിപ്പിച്ചതിനെത്തുടർന്ന് പേരൂർക്കട മാനസികാരോഗ്യകേന്ദ്രത്തിലേക്ക് മാറ്റി. ഇവിടെ 10 ദിവസത്തെ ചികിത്സയാണ് നിശ്ചയിച്ചത്. യുവതിയെ അറസ്റ്റ് ചെയ്ത15 ദിവസത്തിനുള്ളിൽ ചികിത്സ പൂർത്തിയായാലേ ഇനിയും പൊലീസിന് കസ്റ്റഡിയിൽ ലഭിക്കൂ. നിലവിലെ സാഹചര്യത്തിൽ അതിന്​ സാധ്യത കുറവാണെന്നാണ് വിലയിരുത്തൽ.