മയക്കുമരുന്നുമായി മൂന്ന്​ യുവാക്കൾ പിടിയിൽ

പൂച്ചാക്കൽ: പാണാവള്ളി ഓടമ്പള്ളിയിൽ നാല് ഗ്രാമോളം എം.ഡി.എം.എ വിഭാഗത്തിൽപെട്ട മയക്കുമരുന്നുമായി മൂന്ന് യുവാക്കൾ പിടിയിൽ. കൊല്ലം തെന്മല പഞ്ചായത്തിൽ ഷെഫീഖ് മൻസിലിൽ ഷെഫീഖ് (21), ആലപ്പുഴ പുന്നപ്ര പഞ്ചായത്തിൽ വലിയ തൈപറമ്പിൽ ദേവിഷ് (24), കാസർകോട്​ മൂളിയാർ പഞ്ചായത്തിൽ എം.എ.ആർ മൻസിലിൽ സിറാജുദ്ദീൻ (25) എന്നിവരെയാണ് പൂച്ചാക്കൽ സബ് ഇൻസ്പെക്ടർ കെ.ജെ. ജേക്കബിന്റെ നേതൃത്വത്തിൽ പിടികൂടിയത്. എറണാകുളത്ത് താമസിച്ച് പഠിക്കുന്നവരും ജോലി ചെയ്യുന്നവരുമായ പ്രതികളുടെ ഫോണിലേക്ക് ബന്ധപ്പെടുന്നവർക്ക്​ എത്തിച്ച് കൊടുക്കുകയായിരുന്നു പതിവ്. പ്രതികൾക്ക് മയക്കുമരുന്ന് എത്തിക്കുന്നവരെയും ആർക്കൊക്കെയാണ് ഇവർ നല്കിയിട്ടുണ്ടെന്ന വിവരവും അന്വേഷിക്കുകയാണെന്ന് പൂച്ചാക്കൽ സ്റ്റേഷൻ ഇൻസ്പെക്ടർ അജയ് മോഹൻ പറഞ്ഞു. ചിത്രം : ഷെഫീഖ്, സിറാജുദ്ദീൻ, ദേവിഷ്