ആംബുലൻസും കാറും കൂട്ടിയിടിച്ച്​ യാത്രക്കാർക്ക് പരിക്ക്​

മാരാരിക്കുളം: ദേശീയപാതയിൽ പാതിരപ്പള്ളിയിൽ കോവിഡ്​ രോഗിയുമായി പോയ 108 ആംബുലൻസും കാറും കൂട്ടിയിടിച്ചു. യാത്രക്കാർക്ക് പരിക്ക്​. ബുധനാഴ്ച രാത്രി 10നായിരുന്നു അപകടം. ആലപ്പുഴ ഭാഗത്തേക്ക്​ പോകുകയായിരുന്ന ആംബുലൻസും എറണാകുളം ഭാഗത്തേക്ക്​ പോകുകയായിരുന്ന കാറുമാണ് അപകടത്തിൽപെട്ടത്. രണ്ട് വാഹനത്തിലും ഉണ്ടായിരുന്നവർക്ക് പരിക്കേറ്റു. കോട്ടയം സ്വദേശിയായ ഹവിൽദാർ അഭിജിത്, നഴ്സ് ഉൾപ്പെടെയുള്ളവർക്കാണ് പരിക്കേറ്റത്. ഇവരെ ആശുപത്രിയിൽ പ്രവേശിപ്പിച്ചു. ദേശീയപാതയിൽ തടസ്സപ്പെട്ട ഗതാഗതം അഗ്​നിരക്ഷാസേന എത്തിയാണ് പുനഃസ്ഥാപിച്ചത്. പടം: അപകടത്തിൽപെട്ട ആംബുലൻസും കാറും