വിവാഹിതരുടെ ലോകസൗന്ദര്യമത്സരത്തിൽ ഇടംനേടി ആലപ്പുഴ സ്വദേശിനി ഷെറിൻ

ചേർത്തല: ദുബൈയിൽ നടക്കുന്ന വിവാഹിതരുടെ ലോകസൗന്ദര്യമത്സരത്തിൽ ഇടംനേടി ആലപ്പുഴ സ്വദേശിനി. ബോളിവുഡ് സിനിമയുടെ ഭാഗമായ 'ഹൗതേ മോണ്ടെ മിസിസ്' വിവാഹിതരുടെ ലോകസൗന്ദര്യമത്സരത്തി‍ന്‍റെ ഫൈനലിലേക്കാണ്​ ചേർത്തല നഗരസഭ നാലാംവാർഡ്​ സ്റ്റാർവ്യൂ ഷെറിൻ മുഹമ്മദ്‌ ഷിബിനെ​ (32) തെരഞ്ഞെടുത്തത്​. ഈ വർഷം മേയിലാണ്​​ മത്സരം. നേരത്തേ കാനഡയുടെ സൗന്ദര്യമത്സരത്തിൽ ഷെറിൻ ഫൈനലിൽ എത്തിയിരുന്നു. കാനഡയിലെ ടൊറന്‍റോ സർവകലാശാലയിൽ ലാബ് മാനേജരാണ്​. ബയോ ടെക്നോളജിയിൽ എം.ടെക്, ഹോസ്പിറ്റൽ അഡ്മിനിസ്​ട്രേഷനിൽ എം.ബി.എ നേടിയിട്ടുണ്ട്​. ഭർത്താവ് ആലപ്പുഴ തിരുവമ്പാടി സ്വദേശി മുഹമ്മദ്‌ ഷിബിൻ ഫ്രഞ്ച് മരുന്ന് കമ്പനി സിനോഫിയുടെ അസിസ്റ്റന്‍റ്​ മാനേജരാണ്​. മക്കൾ: അലയ്ന, സുഹാന. ചേർത്തല മുനിസിപ്പാലിറ്റി നാലാംവാർഡിൽ പൊതുപ്രവർത്തകനും കോൺഗ്രസ്‌ ബ്ലോക്ക്‌ സെക്രട്ടറിയുമായ അബ്ദുൽ ബഷീറിന്റെയും മുൻ നഴ്​സിങ്​ ഓഫിസർ സൂസന്ന ബഷീറിന്റെയും മൂത്തമകളാണ്​. APG sherin ഷെറിൻ മുഹമ്മദ്‌ ഷിബിൻ