പളളിയറക്കാവ് ക്ഷേത്രത്തിൽ ഗജപൂജയും ആനയൂട്ടും

അരൂർ: പള്ളിയറക്കാവ് ദേവീക്ഷേത്രത്തിലെ ഉത്സവത്തോടനുബന്ധിച്ച് ഗജപൂജയും ആനയൂട്ടും നടത്തി. കോവിഡ് വർഷമൊഴിച്ചാൽ ആറുവർഷത്തോളം തുടർച്ചയായി ക്ഷേത്രത്തിലെ ഉത്സവം പ്രമാണിച്ച് പള്ളിയറക്കാവ് ആനപ്രേമി സംഘം വക ആനയൂട്ട് നടക്കുന്നുണ്ട്​. വെള്ളിയാഴ്ച രാവിലെ എത്തിച്ചേർന്ന ഈരാറ്റുപേട്ട അയ്യപ്പനും മറ്റ് നാലു ഗജവീരന്മാർക്കും സ്വീകരണം നൽകി. മഞ്ഞൾ ചേർത്ത്​ വേവിച്ച ചോറുരുളകളും കരിമ്പിൻ കഷണങ്ങളും വിവിധയിനം പഴങ്ങളും അടങ്ങിയ വിഭവങ്ങൾ കുട്ടികളും വനിതകളുമടങ്ങുന്ന ഭക്തർ നൽകി.