മെഡി. കോളജ്​ ആശുപത്രി കാത്​ലാബ്​ അടച്ചിടും

അമ്പലപ്പുഴ; ആലപ്പുഴ മെഡിക്കല്‍ കോളജ് ആശുപത്രിയിലെ ജീവനക്കാരില്‍ കോവിഡ് വ്യാപനം ഉയരുന്നതിനാല്‍ കാത്​ലാബ്​ തിങ്കളാഴ്ച മുതല്‍ അടച്ചിടും. വെള്ളിയാഴ്ച 33 പേര്‍ക്ക് കോവിഡ് സ്ഥിരീകരിച്ചു. കാത്​ലാബ് അടക്കുന്നതോടെ അൻജിയോഗ്രാം ആൻജിയോ പ്ലാസ്​റ്റി തുടങ്ങിയവ അറിയിപ്പുണ്ടാകുന്നതുവരെ നിര്‍ത്തിവെക്കും. ആശുപത്രിയിലെത്തിയ രോഗികള്‍ വെള്ളിയാഴ്ചയും കുറവായിരുന്നു. കോവിഡ് വാര്‍ഡുകളായ നാലിലും അഞ്ചിലുമായി 91 പേർ ചികിത്സതേടി. അത്യാവശ്യ ശസ്ത്രക്രിയകൾ മാത്രമാണ് നിലവിലുള്ളത്. കഴിഞ്ഞ ദിവസം മുതല്‍ സന്ദര്‍ശകര്‍ക്ക് നിയന്ത്രണം ഏര്‍പ്പെടുത്തിയിരുന്നു. ഒ.പി സമയം 11 വരെയാക്കി.