വൈദ്യുതിക്കമ്പിയിൽ തീപിടിച്ചത്​ പരിഭ്രാന്തി പരത്തി

അമ്പലപ്പുഴ: വൈദ്യുതിക്കമ്പിയിൽ തീ പടർന്നത് പരിഭ്രാന്തി പരത്തി. വളഞ്ഞവഴി റെയിൽവേ ക്രോസിന് പടിഞ്ഞാറ് വ്യാഴാഴ്ച രാവിലെ എട്ടിനായിരുന്നു സംഭവം. സമീപത്തെ ഹരിജൻ കോളനിയിലേക്കുള്ള വൈദ്യുതി പോസ്റ്റിൽ കമ്പികൾ കൂട്ടിമുട്ടാതിരിക്കാൻ സ്ഥാപിച്ച സ്​പേയ്സറിന് തീ പിടിക്കുകയായിരുന്നു. ഉടൻ വൈദ്യുതി ഓഫിസ് ജീവനക്കാർ വൈദ്യുതി വിച്ഛേദിച്ച്​ അപകടം ഒഴിവാക്കി. ആലപ്പുഴയിൽനിന്ന് ഒരു യൂനിറ്റ് അഗ്​നിരക്ഷാസേനയും എത്തിയിരുന്നു.