ഇനിയൊരു അടച്ചുപൂട്ടൽ താങ്ങാനാവില്ലെന്ന്​ റീട്ടെയിൽ ഫുട്‌വെയർ അസോസിയേഷൻ

ആലപ്പുഴ: കോവിഡ് പ്രതിസന്ധിയുടെ പേരിൽ ഇനിയൊരു അടച്ചുപൂട്ടൽ ഉണ്ടായാൽ പാദരക്ഷ മേഖല തകർന്ന് തരിപ്പണമാകുമെന്ന് കേരള റീട്ടെയിൽ ഫുട്‌വെയർ അസോസിയേഷൻ. ഇത്രയധിക്കും ദുരിതമേൽപിച്ചിട്ടും ഒരാനുകൂല്യവും ഈ മേഖലക്ക് നൽകിയിട്ടില്ല. ഇനിയൊരു അടച്ചുപൂട്ടൽ താങ്ങാവുന്നതിനപ്പുറമായിരിക്കും. അടച്ചുപൂട്ടൽ പരിഹാരമല്ലെന്നാണ്​ മുൻകാല അനുഭവം. പുതിയ മാതൃകകളും ശരിയായ തീരുമാനങ്ങളും ഭരണകൂടങ്ങൾക്ക് എടുക്കാൻ കഴിഞ്ഞില്ലെങ്കിൽ പകർച്ചവ്യാധി വന്ന് മരിക്കുന്നതിലും എത്രയോ ഇരട്ടി കുടുംബങ്ങളുടെ കൂട്ട ആത്മഹത്യയായിരിക്കും കാണേണ്ടിവരുകയെന്ന്​ ജില്ല പ്രസിഡന്റ് ടിപ്ടോപ് ജലീൽ പറഞ്ഞു. ജനറൽ സെക്രട്ടറി അശ്വിൻ, മുഹമ്മദ് റാഫി, ബാലസുബ്രഹ്മണ്യൻ, അമീർ, ജോസ്​കുട്ടി കളങ്ങര, ഷാജി, സെസിൽ, നഹാസ്, നാഗേഷ്, ബാദുഷ, വർഗീസ് ശാന്തപ്പൻ എന്നിവർ സംസാരിച്ചു.