പറമ്പിലെ പുല്ലിന്​ തീപിടിച്ചു

ആലപ്പുഴ: . മാരാരിക്കുളം തെക്ക്​ പഞ്ചായത്ത്​ മൂന്നാം വാർഡിൽ ഗോപാലകൃഷ്ണക്കുറുപ്പിന്‍റെ പറമ്പിലെ പുല്ലിനാണ്​​ തിങ്കളാഴ്ച ഉച്ചക്ക്​ 2.45 ഓടെ തീപിടിച്ചത്​. ആലപ്പുഴയിൽനിന്ന്​ അഗ്​നിരക്ഷാ സേനയെത്തിയാണ്​ തീ കെടുത്തിയത്​. പറമ്പിനടുത്ത്​ നിരവധി വീടുകൾ ഉണ്ടായതിനാൽ അഗ്​നിരക്ഷാസേനയുടെ സമയോചിത ഇടപെടലാണ്​ വൻ അപകടം ഒഴിവാക്കിയത്​. സീനിയർ ഫയർ ആൻഡ്​ റെസ്ക്യൂ ഓഫിസർ ജെ.ജെ. നെൽസണിന്‍റെ നേതൃത്വത്തിൽ രതീഷ്, കണ്ണൻ, ജിജോ, സന്തോഷ്, ഷൈൻകുമാർ എന്നിവർ രക്ഷാപ്രവർത്തനത്തിൽ പങ്കെടുത്തു.