രാജീവ് ഗാന്ധി സ്മൃതിമണ്ഡപവും കൊടിമരങ്ങളും തകർത്തു

ആലപ്പുഴ: വെള്ളക്കിണറിൽ രാജീവ് ഗാന്ധി സ്മൃതിമണ്ഡപവും യൂത്ത് കോൺഗ്രസിന്‍റെ കൊടിമരങ്ങളും തകർത്തു. ഞായറാഴ്ച വൈകീട്ട്​ ഏഴോടെ വെള്ളക്കിണർ ജങ്​ഷന് പടിഞ്ഞാറു വശത്തായിരുന്നു സംഭവം. സ്മൃതി മണ്ഡപത്തിലെ ഫോട്ടോയും തകർത്തു. ഒരാഴ്ചക്കിടെ രണ്ടാമത്തെ തവണയാണ് വെള്ളക്കിണറിൽ കൊടിമരം തകർക്കപ്പെടുന്നത്. സി.പി.എം അനുകൂല മുദ്രാവാക്യവുമായി പ്രകടനമായെത്തിയ സംഘമാണ് തകർത്തതെന്ന് കോൺഗ്രസ് കുറ്റപ്പെടുത്തി.