ലിബറലിസത്തിനെതി​രെ ജാഗ്രത പാലിക്കണം -എസ്.വൈ.എസ്

കായംകുളം: ലിംഗ സമത്വത്തിന്‍റെ മറവിൽ ലിബറലിസം ഒളിച്ചുകടത്താനുള്ള നീക്കങ്ങൾക്കെതിരെ വിശ്വാസി സമൂഹം ജാഗ്രത പാലിക്കണമെന്ന് എസ്.വൈ.എസ് സംസ്ഥാന കമ്മിറ്റി സംഘടിപ്പിച്ച 'റൗണ്ടപ്' ലീഡേഴ്സ് ക്യാമ്പ് ആഹ്വാനം ചെയ്തു. സംസ്ഥാന ജനറൽ സെക്രട്ടറി ഡോ.എ.പി. അബ്ദുൽ ഹക്കീം അസ്ഹരി ഉദ്ഘാടനം ചെയ്തു. ഹുസൈൻ മുസ്​ലിയാർ ആലപ്പുഴ അധ്യക്ഷത വഹിച്ചു. സയ്യിദ് അബ്ദുറഹ്​മാൻ ബാഫഖി, സമസ്ത കേന്ദ്ര മുശാവറ അംഗം ത്വാഹ മുസ്​ലിയാർ, മുഹമ്മദ് പറവൂർ, എം.എം. ഇബ്രാഹീം, സയ്യിദ് അഹമ്മദ് ജിഫ്രി ഇടുക്കി, അനസ് മദനി കോട്ടയം, സുൽഫിക്കർ വള്ളക്കടവ്, മുഹമ്മദ് ഫിറോസ് അഹ്സനി എറണാകുളം, മുഹമ്മദ് ഷിയാഖ് ജൗഹരി പത്തനംതിട്ട എന്നിവർ സംസാരിച്ചു. ചിത്രം: എസ്.വൈ.എസ് സംസ്ഥാന കമ്മിറ്റി കായംകുളത്ത് സംഘടിപ്പിച്ച ക്യാമ്പ് സംസ്ഥാന സെക്രട്ടറി ഡോ.അബ്ദുൽ ഹക്കീം അസ്​ഹരി ഉദ്ഘാടനം ചെയ്യുന്നു