ഇരുചക്രവാഹനങ്ങൾ കൂട്ടിയിടിച്ച് മൂന്നുപേർക്ക് പരിക്ക്

ഹരിപ്പാട്: ദേശീയപാതയിൽ താമല്ലാക്കൽ കെ.വി ജെട്ടി ജങ്ഷന് സമീപം ഇരുചക്ര വാഹനങ്ങൾ കൂട്ടിയിടിച്ച് മൂന്നുപേർക്ക് പരിക്ക്. താമല്ലക്കൽ സ്വദേശികളായ ഗോപിനാഥൻ (64), കോട്ടേപ്പടിക്കൽ ജയിംസ് (48), ബൈക്ക് യാത്രികനായ മറ്റൊരു യുവാവ്​ എന്നിവർക്കാണ്​ പരിക്കേറ്റത്. പരിക്ക് ഗുരുതരമായതിനെത്തുടർന്ന് ജയിംസിനെ ആലപ്പുഴ മെഡിക്കൽ കോളജിലേക്ക് മാറ്റി. ബുധനാഴ്ച രാവിലെ 9.30നായിരുന്നു അപകടം. ജയിംസും ഗോപിനാഥൻ പിള്ളയും ഒരു സ്കൂട്ടറിലും യുവാവ് ബൈക്കിലുമായിരുന്നു. പരിക്കേറ്റ്​ ദേശീയപാതയിൽ 15 മിനിറ്റോളം കിടന്നിട്ടും വാഹനങ്ങൾ കിട്ടാത്തതിനാൽ ഇതുവഴിവന്ന പൊലീസ് ജീപ്പിലാണ് മുവരെയും താലൂക്ക് ആശുപത്രിയിൽ എത്തിച്ചത്. അപകടത്തെതുടർന്ന് ദേശീയപാതയിൽ വാഹനഗതാഗതം തടസ്സപ്പെട്ടു. ചിത്രം: താമല്ലാക്കൽ കെ.വി ജെട്ടിയിലുണ്ടായ ഇരുചക്രവാഹനാപകടത്തിൽ പരിക്കേറ്റവരെ പൊലീസ് ജീപ്പിൽ ആശുപത്രിയിലേക്ക് മാറ്റുന്നു