വ്യാജമദ്യം പിടികൂടി

പൂച്ചാക്കൽ: 10 ലിറ്റർ വ്യാജമദ്യവുമായി മധ്യവയസ്കൻ പൂച്ചാക്കൽ പൊലീസിന്‍റെ പിടിയിലായി. അരൂക്കുറ്റി പഞ്ചായത്ത് ഒമ്പതാം വാർഡിൽ കറുകനികർത്തിൽ ശശിയെയാണ് പൂച്ചാക്കൽ എസ്.എച്ച്.ഒ അജയ്‌മോഹൻ, എസ്.ഐ കെ.ജെ. ജേക്കബ് എന്നിവരുടെ നേതൃത്വത്തിൽ അറസ്റ്റ് ചെയ്തത്. സ്റ്റേഷനിൽ ലഭിച്ച രഹസ്യവിവരത്തിന്‍റെ അടിസ്ഥാനത്തിൽ പൂച്ചാക്കൽ ഭാഗത്തുനിന്നാണ് വാറ്റുന്നതിനിടെ ഇയാളെ പിടികൂടിയത്. 10 ലിറ്റർ വാറ്റും 50 ലിറ്റർ കോടയും പൊലീസ് പിടിച്ചെടുത്തു. ചിത്രം : വ്യാജമദ്യവുമായി പിടികൂടിയ ശശി