കെ.എസ്.ആർ.ടി.സി പെൻഷൻ സമരം തുടരുന്നു

ആലപ്പുഴ: കെ.എസ്.ആർ.ടി.സി പെൻഷൻകാരുടെ തുടർസമരം 21ാം ദിവസത്തിലേക്ക് കടന്നു. പെൻഷൻ പരിഷ്കരണം സംബന്ധിച്ച് ചർച്ച ആരംഭിക്കുക, പെൻഷൻ സർക്കാർ ഏറ്റെടുത്ത്​ എല്ലാ മാസവും ആദ്യ പ്രവൃത്തി ദിവസം വിതരണം ചെയ്യുക, കുടിശ്ശിക ക്ഷാമബത്ത അനുവദിക്കുക, പൊതുഗതാഗതം മെച്ചപ്പെടുത്തുക തുടങ്ങിയ ആവശ്യങ്ങൾ ഉന്നയിച്ചുള്ള സംസ്ഥാനതല സമരത്തിന്‍റെ ഭാഗമായി പെൻഷനേഴ്സ് ഓർഗനൈസേഷൻ ആലപ്പുഴ യൂനിറ്റ് കമ്മിറ്റി നടത്തുന്ന സമരം പെൻഷനേഴ്സ് ഓർഗനൈസേഷൻ ആലപ്പുഴ യൂനിറ്റ് പ്രസിഡന്‍റ്​ ബേബി പാറക്കാടൻ ഉദ്ഘാടനം ചെയ്തു. എ. ബഷീർകുട്ടി അധ്യക്ഷത വഹിച്ചു. വി. രാധാകൃഷ്ണൻ, ബി. ഗോപകുമാർ, വത്സല എസ്. വേണു, കെ.എം. സിദ്ധാർഥൻ, എസ്. പ്രേംകുമാർ, ടി.സി. ശാന്തിലാൽ എന്നിവർ സംസാരിച്ചു. photo : apl ksrtc strike