മുല്ലപ്പെരിയാർ: സുപ്രീംകോടതിയിലെ കേസിൽ സർക്കാർ പിന്തുണക്കണം -ബാവ ഫൗണ്ടേഷൻ

ആലപ്പുഴ: മുല്ലപ്പെരിയാർ ഡാമിൽ റിലയബിലിറ്റി പരിശോധന നടത്തണമെന്നാവശ്യപ്പെട്ട് മുല്ലപ്പെരിയാർ സംരക്ഷണ സമിതിക്കുവേണ്ടി അഭിഭാഷകൻ റസൽ ജോയി സുപ്രീംകോടതിയിൽ സമർപ്പിച്ച കേസ് ഈ മാസം 11ന് പരിഗണിക്കുമെന്നും ഇതിനനുകൂലമായി സത്യവാങ്മൂലം നൽകാൻ മുഖ്യമന്ത്രി നിർദേശിക്കണമെന്നും വാടപ്പുറം ബാവ ഫൗണ്ടേഷൻ യോഗം ആവശ്യപ്പെട്ടു. അവസാനത്തെ ശ്രമമെന്ന നിലയിൽ ഡാമിന്‍റെ റിലയബിലിറ്റി പരിശോധിക്കാൻ സർക്കാർ തയാറാകണമെന്ന് യോഗം ആവശ്യപ്പെട്ടു. വാടപ്പുറം ബാവ ഫൗണ്ടേഷൻ പ്രസിഡന്‍റ്​ സജീവ് ജനാർദനൻ അധ്യക്ഷത വഹിച്ചു. ജാക്സൺ ആറാട്ടുകുളം, പി.ഡി. ശ്രീനിവാസൻ, വി. കമലാസനൻ എന്നിവർ സംസാരിച്ചു.