വിശ്വകർമ മഹിളസംഘം സംസ്ഥാന സമ്മേളനം

ചെങ്ങന്നൂർ: ജനസംഖ്യാനുപാതിക പ്രാതിനിധ്യം ലഭിക്കുന്നില്ലെന്ന വിശ്വകർമജരുടെ ആവലാതി പരിഹരിക്കുമെന്ന് മന്ത്രി സജി ചെറിയാൻ. മെഡിക്കൽ, പി.ജി കോഴ്‌സുകളിൽ ഉൾപ്പെടെ വിശ്വകർമജരുടെ പ്രത്യേക സംവരണം നഷ്ടമായെന്ന പരാതി പരിഹരിക്കും. വിശ്വകർമ മഹിളസംഘം സംസ്ഥാന പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡന്‍റ്​ എം. സരസ്വതി അമ്മാൾ അധ്യക്ഷത വഹിച്ചു. മുൻ ഭാരവാഹികളായ സരോജിനി പത്മനാഭൻ, ശാരദ വിജയൻ, രാധാമണി ടീച്ചർ എന്നിവരെ ആദരിച്ചു. വിശ്വകർമ മഹാസഭ സംസ്ഥാന പ്രസിഡന്‍റ്​ പി.ആർ. ദേവദാസ്, ജനറൽ സെക്രട്ടറി പി. വാമദേവൻ, മഹിളസംഘം ജനറൽ സെക്രട്ടറി ഷീല ഗോപി, ട്രഷറർ ഗീത വിജയൻ എന്നിവർ സംസാരിച്ചു. മഹിളസംഘം ഭാരവാഹികൾ: ബിന്ദു വിക്രമൻ തൊടുപുഴ (പ്രസി), മായാ വിനോബൻ കൊല്ലം (ജന സെക്ര), സുധർമണി കാട്ടാക്കട (ട്രഷ).