'കെ.എസ്​.ആർ.ടി.സി പെൻഷൻ പരിഷ്കരണം വരെ സമരം തുടരും'

ആലപ്പുഴ: 11 വർഷമായി നടപ്പാക്കാത്ത പെൻഷൻ പരിഷ്കരണം സംബന്ധിച്ച ചർച്ചകൾ പൂർത്തീകരിക്കണമെന്നും അടിയന്തരമായി സർക്കാർ ഇടപെട്ട് പ്രശ്നങ്ങൾ പരിഹരിക്കണമെന്നും കെ.എസ്.ആർ.ടി.സിയിലെ പെൻഷൻ സംഘടനയായ പെൻഷനേഴ്സ് ഓർഗനൈസേഷൻ സംസ്ഥാന വൈസ് പ്രസിഡൻറ്​ എൻ.വി. തമ്പുരാൻ പറഞ്ഞു. സമരത്തി​ൻെറ ഭാഗമായി പെൻഷനേഴ്​സ്​ ഓർഗനൈസേഷൻ ബസ്​ സ്​റ്റേഷനിൽ നടത്തിയ കേന്ദ്രീകൃത ധർണ ഉദ്ഘാടനം ചെയ്യുകയായിരുന്നു അദ്ദേഹം. ബേബി പാറക്കാടൻ അധ്യക്ഷത വഹിച്ചു. ഇ.ബി. വേണുഗോപാൽ, വി. രാധാകൃഷ്ണൻ, ജി. തങ്കമണി, കെ. സുജാതൻ, എം.പി. പ്രസന്നൻ, കെ.എം. സിദ്ധാർഥൻ, ടി.സി. ശാന്തിലാൽ , എം.ജെ. സ്​റ്റീഫൻ , എസ്. പ്രേംകുമാർ, പി.കെ. നാണപ്പൻ, കെ.ടി. മാത്യു, ഇ.എ. ഹക്കീം, വി.വി. ഓംപ്രകാശ് എന്നിവർ സംസാരിച്ചു.