അമ്പലപ്പുഴയില്‍ സ്​ത്രീസൗഹൃദ വിശ്രമകേന്ദ്രം തുറന്നു

അമ്പലപ്പുഴ: അർബൻ ഹെൽത്ത് ട്രെയിനിങ്​ സൻെററിൽ (യു.എച്ച്.ടി.സി) സ്​ത്രീസൗഹൃദ വിശ്രമകേന്ദ്രം പ്രവർത്തനം തുടങ്ങി. മുൻ മന്ത്രി ജി. സുധാകര​ൻെറ ശിപാർശപ്രകാരം പൊതുമരാമത്ത് വകുപ്പിൽനിന്ന് 12.6 ലക്ഷത്തോളം ചെലവഴിച്ചാണ് മന്ദിരം നിർമിച്ചത്. വിശ്രമമുറിയും രണ്ട്​ ശൗചാലയവുമുള്ള കെട്ടിടം ആറുമാസംകൊണ്ടാണ് പൂർത്തിയാക്കിയത്. എച്ച്. സലാം എം.എൽ.എ ഉദ്ഘാടനം നിർവഹിച്ചു. ബ്ലോക്ക് പഞ്ചായത്ത് പ്രസിഡൻറ് ഷീബ രാകേഷ് അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡൻറ് കെ. കവിത, ബ്ലോക്ക് പഞ്ചായത്ത് വൈസ് പ്രസിഡൻറ് ബിബി വിദ്യാനന്ദൻ, ജില്ല പഞ്ചായത്ത്​ അംഗം പി. അഞ്ജു, ബ്ലോക്ക് പഞ്ചായത്ത്​ അംഗങ്ങളായ ആർ. ജയരാജ്, ശ്രീജ രതീഷ്, പഞ്ചായത്ത് വൈസ് പ്രസിഡൻറ് പി. രമേശൻ, അംഗം അപർണ സുരേഷ്, മെഡിക്കൽ ഓഫിസർ ഡോ. ലക്ഷ്​മി എന്നിവർ സംസാരിച്ചു.