ഗതാഗതക്കുരുക്ക്​: ശവക്കോട്ട പാലത്തി​​െൻറ വടക്കേക്കര തൽക്കാലം തുറക്കും

ഗതാഗതക്കുരുക്ക്​: ശവക്കോട്ട പാലത്തി​​ൻെറ വടക്കേക്കര തൽക്കാലം തുറക്കും ആലപ്പുഴ: ടൗണിലെ ഗതാഗതക്കുരുക്കഴിക്കാൻ ശവക്കോട്ട പാലത്തി​ൻെറ വടക്കേക്കര അടുത്തയാഴ്​ച താൽക്കാലികമായി ഗതാഗതത്തിനു തുറന്നുകൊടുക്കും. വഴിച്ചേരിയിലെ തകർന്ന കലുങ്ക് വീതികൂട്ടി നിർമിക്കുന്ന ജോലി നടക്കുകയാണ്. ഇക്കാരണത്താൽ ശവക്കോട്ട പാലത്തിൽനിന്ന്​ കിഴക്കോട്ട് വഴിച്ചേരി, വൈ.എം.സി.എ, ബോട്ട് ജെട്ടി, കെ.എസ്.ആർ‌.ടി.സി സ്​റ്റാൻഡ് എന്നിവിടങ്ങളിലേക്ക് യാത്ര ചെയ്യുന്നവർ കോൺവൻറ്​, വഴിച്ചേരി വഴി ചുറ്റി വേണം പോകാ‍ൻ. ശവക്കോട്ട പാലത്തി​ൻെറ വീതികൂട്ടൽ നടപടി പൂർത്തിയായിട്ടും ഇരുകരയിലുംകൂടി ഗതാഗതം നടത്താൻ കഴിയാത്തതും കൊമ്മാടി പാലത്തി​ൻെറ നിർമാണം നീളുന്നതും ജനങ്ങൾക്ക് ദുരിതമായി. ആലോചനയില്ലാതെ വഴിച്ചേരിയിൽ കലുങ്ക് പൊളിച്ച് നിർമാണം തുടങ്ങുകയും ചെയ്​തു. ട്രാഫിക് പൊലീസ് ഇക്കാര്യം കരാറുകാരുടെ ശ്രദ്ധയിൽപെടുത്തിയതോടെ ശവക്കോട്ട പാലത്തി​ൻെറ വടക്കേക്കരയിലൂടെ ഗതാഗതം പുനഃസ്ഥാപിക്കാൻ താൽക്കാലികമായി സൗകര്യം ഒരുക്കുന്നതിനോട് കരാറുകാർ യോജിച്ചു. പാലത്തി​ൻെറ അനുബന്ധ റോഡ് നിർമാണവും മട്ടാഞ്ചേരി പാലം വരെ റോഡ് ഉയർത്തലും പൂർത്തിയാകണമെങ്കിൽ ഇനിയും വൈകും. ഇരുകരയിലും ഏറ്റെടുക്കേണ്ട സ്വകാര്യഭൂമിയുടെ ഉടമകൾക്ക് ലഭിക്കേണ്ട പ്രതിഫലം സംബന്ധിച്ച് പരാതി നിലനിൽക്കുകയാണ്. അതുവരെ ഗതാഗതക്കുരുക്ക് നീണ്ടുപോകുന്നത് ഒഴിവാക്കാനാണ് താൽക്കാലികമായി ശവക്കോട്ട പാലത്തി​ൻെറ വടക്കേക്കരയിലെ തടസ്സങ്ങൾ നീക്കി ഗതാഗത സൗകര്യമൊരുക്കുക.​ പായൽ നീക്കിയില്ല; നെൽകൃഷി ഉപേക്ഷിക്കാൻ കർഷകർ മാന്നാർ: അപ്പർ കുട്ടനാട്ടിലെ കുരട്ടിശ്ശേരി പുഞ്ചയിൽ ജലസേചന സൗകര്യമൊരുക്കാത്തതിൽ പ്രതിഷേധിച്ച് കർഷകർ കൃഷി ഉപേക്ഷിക്കാനൊരുങ്ങുന്നു. 1400 ഏക്കറോളമുള്ള പുഞ്ചയിൽ ജലസേചനത്തിന്​ ഇലമ്പനംതോട്ടിലെ പായൽ നീക്കംചെയ്യാമെന്ന ഉറപ്പ് പഞ്ചായത്തും കൃഷിഭവനും പാലിക്കാത്തതാണ്​ കാരണം. ഇതിൽ പ്രതിഷേധിച്ച് നെൽവിത്ത് തിരികെയെടുക്കണമെന്നാവശ്യപ്പെട്ട് സംയുക്ത പാടശേഖരസമിതി പഞ്ചായത്തിലും കൃഷിഭവനിലും നിവേദനം നൽകി. പായൽ നീക്കംചെയ്യാമെന്ന ഉറപ്പിലാണ് കൃഷിക്ക്​ ഒരുക്കം ആരംഭിച്ചതെന്നും എന്നാൽ, പായൽ കാര്യമായി ഇല്ലാത്ത ഒന്ന്​, രണ്ട്​ വാർഡുകളിൽ മാത്രം പായൽ വാരിയിട്ട് എസ്​റ്റിമേറ്റ് തീർന്നെന്നുപറഞ്ഞ് മൂന്ന്, നാല് വാർഡുകളിലെ പായൽ നീക്കംചെയ്​തില്ലെന്നും കർഷകർ ആരോപിച്ചു. ഈ സാഹചര്യത്തിൽ നൽകിയ നെൽവിത്ത് തിരിച്ചെടുക്കണമെന്ന് ആവശ്യപ്പെട്ട് സംയുക്ത പാടശേഖരസമിതി സെക്രട്ടറിമാരായ ബിജു ഇക്ബാൽ(വേഴത്താർ), വിജയകുമാർ(കണ്ടങ്കേരി), ഷുജാഹുദ്ദീൻ(കുടവെള്ളാരി- ബി), ടി. തങ്കച്ചൻ(കുടവെള്ളാരി- എ), ജോസ്(അരിയോടിച്ചാൽ), രവീന്ദ്ര കൈമൾ(നാലുതോട്) എന്നിവരാണ്​ നിവേദനം നൽകിയത്. അതിനിടെ, അസൗകര്യങ്ങളും പ്രതിസന്ധികളും സഹിച്ച് ഈ വർഷവും കൃഷി ചെയ്യുകയാണ് മാന്നാർ ഇടപ്പുഞ്ച പടിഞ്ഞാറ് പാടശേഖരത്തിലെ കർഷകർ. ഇതിന്​ വേനൽ കൃഷിക്ക്​ നിലമൊരുക്കൽ തുടങ്ങി. 65 ഏക്കർ പാടശേഖരത്തിൽ മുക്കാൽ ഭാഗത്തോളം കാക്കപ്പോള, പായൽ, മറ്റു ജലസസ്യങ്ങൾ, മാലിന്യം എന്നിവ നിറഞ്ഞുകിടക്കുകയാണ്. നിലം തരിശിടാൻ കർഷകർക്ക്​ താൽപര്യമില്ലാത്തതിനാലാണ് പാടശേഖര സമിതിയുടെ നേതൃത്വത്തിൽ ഇവ നീക്കം ചെയ്​തുതുടങ്ങിയത്. പാടശേഖരത്തിലെ ബണ്ടുകളെല്ലാം ബലപ്പെടുത്തി വെള്ളിയാഴ്​ച പമ്പിങ്ങും ആരംഭിച്ചു.