ചികിത്സ ധനസഹായ വിതരണം

മാന്നാർ: മാന്നാർ കുട്ടമ്പേരൂർ കുറ്റിയിൽ ദുർഗാദേവി ക്ഷേത്രത്തിൽ ഒമ്പതാമത് സാന്ത്വനനിധി ചികിത്സ ധനസഹായ വിതരണം ഉദ്ഘാടനം രമേശ് ചെന്നിത്തല എം.എൽ.എ നിർവഹിച്ചു. ശാന്തിയും സമാധാനവും കൈവരുത്തി മനുഷ്യ സമൂഹത്തിന്​ മുന്നോട്ടുപോകാൻ എല്ലാമത വിശ്വാസികൾക്കും കഴിയണമെന്ന് ചെന്നിത്തല അഭിപ്രായപ്പെട്ടു. ക്ഷേത്രസമിതി പ്രസിഡൻറ്​ കെ. മദനേശ്വരൻ അധ്യക്ഷത വഹിച്ചു. കാര്യദർശി അഡ്വ.കെ.വേണുഗോപാൽ, കെ.ബാലസുന്ദരപ്പണിക്കർ, നുന്നു പ്രകാശ്, കെ. മന്മഥൻ, കെ.പി. നാരായണക്കുറുപ്പ്, സി.ഒ. വിശ്വനാഥൻ, കെ. മദനരാജൻ തുടങ്ങിയവർ സംസാരിച്ചു.