മുഖ്യമന്ത്രി സമാധാന യോഗം വിളിക്കണമെന്ന് എ.എ. ഷുക്കൂര്‍

ആലപ്പുഴ: ക്വട്ടേഷന്‍ സംഘങ്ങളുടെ ഏറ്റമുട്ടലും കൊലപാതകവും നിരന്തരം നടക്കുന്ന ജില്ലയിൽ രണ്ട് യുവ രാഷ്​ട്രീയ നേതാക്കളുടെ കൊലപാതകം മണിക്കൂറുകളുടെ ഇടവേളയില്‍ നടന്നത് ഭീതി ജനകമാണെന്ന്​ കെ.പി.സി.സി ജനറല്‍ സെക്രട്ടറി എ.എ. ഷുക്കൂര്‍ പറഞ്ഞു. കലുഷിതമായ അന്തരീക്ഷത്തില്‍ കാബിനറ്റിലെ ജൂനിയര്‍ മന്ത്രിമാര്‍ സര്‍വകക്ഷി യോഗം വിളിക്കുന്നതിനെക്കാള്‍ നല്ലത് ആഭ്യന്തരമന്ത്രി കൂടിയായ മുഖ്യമന്ത്രി നേരിട്ട് യോഗം വിളിക്കണമെന്ന്​ ഷുക്കൂര്‍ പറഞ്ഞു. പല കേസുകളിലും പ്രതികളെ പിടികൂടിയിട്ടില്ല. രണ്ട് കൊലപാതകം മണിക്കൂറുകള്‍ക്കിടയില്‍ നടന്നിട്ടും ഉടനടി യോഗം വിളിക്കാനുള്ള ഇച്ഛാശക്തി സര്‍ക്കാറിനില്ലാതെ പോയെന്ന്​ പ്രസ്​താവനയിൽ കുറ്റപ്പെടുത്തി.