ഒന്നര കിലോ കഞ്ചാവുമായി യുവാവ് പിടിയിൽ

ചാരുംമൂട്: വാടകവീട്ടിൽ കഞ്ചാവ് സൂക്ഷിച്ച് വിൽപന നടത്തിവന്ന യുവാവിനെ പൊലീസ് അറസ്​റ്റ്​ ചെയ്തു. ഭരണിക്കാവ് കൊപ്രാപ്പുര ജങ്ഷന് സമീപം വാടകക്ക് താമസിച്ചുവന്ന കായംകുളം പെരിങ്ങാലമുറിയിൽ വിജി ഭവനത്തിൽ വിജയ് കാർത്തികേയനെയാണ് (26) കുറത്തികാട് എസ്.ഐ കെ. സുനുമോനും സംഘവും അറസ്​റ്റ്​ ചെയ്തത്. വീട്ടിൽനിന്ന്​ ഒന്നര കിലോ കഞ്ചാവ് പൊലീസ് പിടിച്ചെടുത്തു. കോടതിയിൽ ഹാജരാക്കിയ പ്രതിയെ റിമാൻഡ്​ ചെയ്തു. ക്രിസ്​മസ്-പുതുവത്സര പശ്ചാത്തലത്തിൽ കഞ്ചാവും മറ്റ് ലഹരിപദാർഥങ്ങളും സംഭരിക്കുന്നവർക്കും ഉപയോഗിക്കുന്നവർക്കുമെതിരെ കർശനനടപടി സ്വീകരിക്കുമെന്ന് സി.ഐ എസ്. നിസാം അറിയിച്ചു. നാർകോട്ടിക് സെൽ, എസ്.ഐ ഏലിയാസ്, എ.എസ്.ഐ സന്തോഷ്, സി.പി.ഒമാരായ ഷാഫി, ഹരികൃഷ്ണൻ, സ്​റ്റേഷൻ എസ്.ഐമാരായ ഹാരിസ്, യോഗിദാസ്, എസ്.സി.പി.ഒമാരായ നൗഷാദ്, സന്തോഷ്, സാദിഖ് ലബ്ബ എന്നിവരും പൊലീസ് സംഘത്തിലുണ്ടായിരുന്നു.