യുവജനങ്ങൾക്ക്​ കൂടുതൽ കർമപദ്ധതികൾ -മന്ത്രി

ആലപ്പുഴ: അടുത്ത നാലര വർഷം യുവജനങ്ങൾക്ക്​ കൂടുതൽ കർമപദ്ധതികൾ സർക്കാർ നടപ്പാക്കുമെന്ന് യുവജനക്ഷേമ മന്ത്രി സജി ചെറിയാൻ. സംസ്ഥാന യുവജനക്ഷേമ വകുപ്പ് നടപ്പാക്കുന്ന അവളിടം പദ്ധതിയുടെ ഉദ്‌ഘാടനം പൊ​േള്ള​െത്തെ ഹൈസ്കൂളിൽ നിർവഹിക്കുകയായിരുന്നു അദ്ദേഹം. 40 വയസ്സിൽ താഴെയുള്ള സ്ത്രീകളുടെ ശാക്തീകരണത്തിന്​ യുവജന കമീഷൻ നടപ്പാക്കുന്ന പദ്ധതിയാണ് അവളിടം. യുവജന കമീഷൻ ചെയർപേഴ്സൻ ഡോ. ചിന്ത ജെറോം അധ്യക്ഷത വഹിച്ചു. പദ്ധതി ലോഗോ ആര്യാട് ബ്ലോക്ക് പഞ്ചായത്ത് പ്രസിഡൻറ് കെ.ഡി. മഹേന്ദ്രന് നൽകി മന്ത്രി പ്രകാശനം ചെയ്തു. photo : apl yuvajanam