പുസ്തക പ്രകാശനം നാളെ

അമ്പലപ്പുഴ: പ്രാഥമിക വിദ്യാഭ്യാസം പോലും പൂർത്തിയാക്കാത്ത 73 കാരൻ എഴുതിയ രണ്ടു പുസ്തകങ്ങളുടെ പ്രകാശനം ശനിയാഴ്ച നടക്കും. കരുമാടി പടിഞ്ഞാറെ മംഗലം കെ.പുരുഷോത്തമ​ൻെറ പുസ്തകങ്ങളാണ്​ പ്രകാശനം ചെയ്യുന്നത്​. 'അമൃത മൊഴികളും ജീവിത വിജയവും', 'ഹൃദയാമൃത ബോധിനി' എന്നീ പുസ്തകങ്ങൾ ഒരു വർഷത്തിനിടെ എഴുതിയതെന്ന് അദ്ദേഹം വാർത്ത സമ്മേളനത്തിൽ പറഞ്ഞു. വൈകീട്ട് 3.30ന് അമ്പലപ്പുഴ കിഴക്കേ നടയിലെ സത്രം ഹാളിൽ നടക്കുന്ന ചടങ്ങിൽ ഡോ.അമ്പലപ്പുഴ ഗോപകുമാർ പ്രകാശനം നിർവഹിക്കും. കൂലിപ്പണിക്കാരനാണ്​ പുരുഷോത്തമൻ. പുതുതലമുറക്ക് പ്രയോജനകരമാകുന്നതാണ് പുസ്തകങ്ങളെന്ന് പ്രസാധകൻ ജോണി ആൻറണി, കരുമാടി മോഹനൻ എന്നിവർ പറഞ്ഞു. (ചിത്രം.... കെ.പുരുഷോത്തമന്‍ )