കലാഗ്രാമമായി അംഗീകരിക്കപ്പെടും

ആലപ്പുഴ പട്ടണത്തിൽ 'ലോകമേ തറവാട് ' എന്ന പേരിൽ നടന്ന ബിനാലെയിൽ എഴുപുന്നക്കാരായ കെ. രഘുനാഥൻ, വി.വി. വിനു, ആർ. വേണു, ചന്തിരൂർ കെ.പി. റെജി, സക്കീർ ഹുസൈൻ എന്നിവർ പങ്കെടുത്തു. പ്രശസ്​ത ചിത്ര -ശിൽപകാരന്മാരായ കെ.ആർ. സത്യൻ, കെ.സി. ശിവദാസൻ, സുധർമ, മെഹ്ജ, മുത്തുലക്ഷ്മി, സെലിൻ ജേക്കബ്, സൂനു പടന്ന, വിഷ്ണു, ശിവാനന്ദൻ, ടി.എസ്​. ശരത്, കൃപ ലാലു എന്നിവരും എഴുപുന്ന സ്വദേശികളാണ്. മറ്റു കലാമേഖലയിൽ വ്യക്തിമുദ്ര പതിപ്പിച്ചവരും കുറവല്ല. ആർ.എൽ.വി മൃദംഗം അധ്യാപകൻ തിലകരാജ്, ഫൈൻ ആർട്സ് കോളജ് അധ്യാപകൻ അനിരുദ്ധൻ, റിട്ട. കലാധ്യാപകൻ ഓമൽ സുന്ദരം എന്നിവരെല്ലാം ഈ പട്ടികയിലുണ്ട്​. അന്വേഷിച്ചാൽ കൂടുതൽ പേരെ കണ്ടെത്താനും കഴിയും. ഏതുകലയിലും ഉണ്ടാകുന്ന പുത്തൻ മാറ്റങ്ങൾ, സങ്കേതങ്ങൾ ഇവയെക്കുറിച്ച് പ്രഗല്​ഭരുടെ ക്ലാസുകൾ നടക്കണം. ചിത്ര-ശിൽപ പ്രദർശനങ്ങൾ, കലാ ക്യാമ്പ്, ഗവേഷണങ്ങൾ, പ്രഭാഷണങ്ങൾ, പഠനങ്ങൾ എന്നിവ നടക്കണം. കലാകാരന്മാർക്ക് ഒത്തുചേരാൻ ഒരു ഇടം എന്ന നിലയിൽ എഴുപുന്ന . ഇളംതലമുറയുടെ കലാഭിരുചി വളർത്തുക മാത്രമല്ല, കലകളുടെ ഒരു മേളന കേന്ദ്രമായി എഴുപുന്ന മാറും. ആർ. വേണു ചിത്രകാരൻ