കാപ്പ നിയമപ്രകാരം അറസ്​റ്റ്​ ചെയ്ത് തടവിലാക്കി

ചേർത്തല: ചേർത്തല തെക്ക് പഞ്ചായത്ത് 12ാം വാർഡ് കൊല്ലപ്പറമ്പ് വീട്ടില്‍ കുരുട് സതീഷ് എന്ന സതീഷിനെ കാപ്പ ചുമത്തി ജയിലിൽ അടച്ചു. കൊലപാതകം, വധശ്രമം, പിടിച്ചുപറി, ഭവനഭേദനം, ലഹള, അടിപിടി എന്നീ വകുപ്പുകള്‍ പ്രകാരം അർത്തുങ്കൽ, അരൂര്‍, മാരാരിക്കുളം എന്നീ സ്​റ്റേഷനുകളിൽ വിവിധ കേസുകൾ ഇയാളുടെ പേരിലുണ്ട്. അർത്തുങ്കൽ ഇൻസ്പെക്ടർ പി.ജി. മധുവി​ൻെറ നേതൃത്വത്തിലാണ് അറസ്​റ്റ് ചെയ്തത്. തിരുവനന്തപുരം പൂജപ്പുര സെൻട്രൽ ജയിലിലേക്ക് മാറ്റി. ജില്ലയിൽ ക്രമസമാധാന പ്രശ്നങ്ങൾ ഉണ്ടാക്കുന്ന ആളുകളുടെ പട്ടിക തയാറാക്കിയിട്ടുണ്ട്. സ്ഥിരം കുറ്റവാളികൾക്കെതിരെ കാപ്പ നിയമപ്രകാരം നടപടിയെടുക്കുന്നതിന് റിപ്പോർട്ട് അയച്ചുവരുകയാണെന്നും ജില്ല പൊലീസ് മേധാവി ജി. ജയ്ദേവ് പറഞ്ഞു.