ബ്രദർ മാത്യു ആൽബിൻ അവാർഡ് ഏറ്റുവാങ്ങി

അമ്പലപ്പുഴ: കത്തോലിക്കസഭയുടെ കീഴിൽ ബംഗളൂരു കേന്ദ്രമായി പ്രവർത്തിക്കുന്ന പ്രിസൺ മിനിസ്ട്രി ഓഫ് ഇന്ത്യയുടെ അവാർഡിന് പുന്നപ്ര ശാന്തിഭവൻ മാനേജിങ്​ ട്രസ്​റ്റി ബ്രദർ മാത്യു ആൽബിൻ അർഹനായി. തടവറ ജീവിതത്തിനുശേഷം മാനസാന്തരം വന്നവരുടെ ഉന്നമനത്തിനായാണ് സംഘടന പ്രവർത്തിക്കുന്നത്. വ്യാഴാഴ്ച ബംഗളൂരിൽ നടന്ന ചടങ്ങിൽ പ്രിസൺ മിനിസ്ട്രി ചെയർമാൻ ബിഷപ് ആൽബിൻ ഡി. സുൽവയിൽനിന്ന് . സംഘടന കോഓഡിനേറ്റര്‍ ഫാ. ഫ്രാന്‍സിസ് കൊടിയന്‍, ഫാ. വർഗീസ് കരിപ്പേരി, സിസ്​റ്റർ ക്ലാര, സിസ്​റ്റർ ഡെൽഫി തുടങ്ങിയവർ ചടങ്ങിൽ പങ്കെടുത്തു. ഒരു ലക്ഷം രൂപയും ഫലകവും പ്രശസ്തിപത്രവും അടങ്ങിയതാണ് അവാർഡ്. ചിത്രം... പ്രിസൺ മിനിസ്ട്രി ചെയർമാൻ ബിഷപ് ആൽബിൻ ഡി. സുൽവയിൽനിന്ന് ശാന്തിഭവൻ മാനേജിങ്​ ട്രസ്​റ്റി ബ്രദർ മാത്യു ആൽബിൻ അവാർഡ് ഏറ്റുവാങ്ങുന്നു