ബഹളത്തിൽ മുങ്ങി കോൺഗ്രസ്​ ഭാരവാഹി യോഗം

ജനറൽ സെക്രട്ടറിയെ തടഞ്ഞുവെച്ചു ആലപ്പുഴ: . കെ.പി.സി.സി ജനറൽ സെക്രട്ടറി പ്രതാപവർമ തമ്പാനെ തടഞ്ഞുവെച്ചു. പുനഃസംഘടന മാനദണ്ഡങ്ങൾ റിപ്പോർട്ട്​ ചെയ്യാൻ വെള്ളിയാഴ്​ച ചേർന്ന ഡി.സി.സി ഭാരവാഹികൾ, കെ.പി.സി.സി അംഗങ്ങൾ, ബ്ലോക്ക് ഭാരവാഹികൾ എന്നിവരുടെ യോഗമാണ് ബഹളത്തിൽ കലാശിച്ചത്. റിപ്പോർട്ടിങ്ങിനെത്തിയ ജില്ലയുടെ ചുമതലയുള്ള കെ.പി.സി.സി ജനറൽ സെക്രട്ടറി പ്രതാപവർമ തമ്പാൻ കെ.സി. വേണുഗോപാലിനെയും രമേശ് ചെന്നിത്തലയെയും അധിക്ഷേപിച്ചെന്നും മാപ്പ് പറഞ്ഞിട്ട് പോയാൽ മതിയെന്നും പറഞ്ഞാണ് തടഞ്ഞു​െവച്ചത്. പിന്നീട്​ മുതിർന്ന നേതാക്കൾ ഇടപെട്ടാണ്​ പ്രശ്​നം പരിഹരിച്ചത്. പുനഃസംഘടനയാണ്​ അജണ്ടയെങ്കിലും അരൂർ ഉപതെരഞ്ഞടുപ്പിനുശേഷം ചേർന്ന ആദ്യയോഗമെന്ന നിലയിൽ ഡി.സി.സി പ്രസിഡൻറ്​ ബി. ബാബുപ്രസാദ് തെരഞ്ഞെടുപ്പ് വിഷയങ്ങളും ഉന്നയിച്ചു. വാഗ്വാദങ്ങളും പോർവിളികളും മുറുകിയപ്പോൾ ഗ്രൂപ്പുനേതാക്കൾ ഇടപെട്ട്​ യോഗം പിരിച്ചുവിടുകയായിരുന്നു.