'കോറോണ'യെ ​ൈകവിടില്ല തകര ബാബു; ദുൽക്കർ ചോദിച്ചിട്ടും കൊടുത്തില്ല

ചേർത്തല: സിനിമ നിർമാതാവ് വി.വി. ബാബു (തകര ബാബു) 'കോറോണ'യെ ജീവന് തുല്യം സ്നേഹിക്കാൻ തുടങ്ങീട്ട് 33 വർഷം. പക്ഷെ, ഇത് വൈറസല്ല... 1966 മോഡൽ ഒരു ഒ​െന്നാന്നര കുഞ്ഞൻ കാർ. പ്രസിദ്ധ കാർട്ടൂണിസ്​റ്റ്​ ആർ.കെ. നാരായണന്​ ജപ്പാൻ സന്ദർശനത്തിനിടെ അവിടത്തെ കോൺസലേറ്റ് സമ്മാനമായി നൽകിയതാണ്​ കോറോണ ഡീലക്​സ്​ കാർ. ഇന്ത്യയിലെത്തിച്ച കാർ ആർ.കെ. നാരായണൻ അധികകാലം ഉപയോഗിച്ചില്ല. നാരായണനെ കാണാൻ ചെന്നപ്പോ​െഴാക്കെ കാർ വീടി​ൻെറ ഒഴിഞ്ഞ മൂലയിൽ കിടക്കുന്നത് കണ്ട് അടുത്ത സുഹൃത്തായ ബാബു ചോദിച്ച് വാങ്ങുകയായിരുന്നു. 1988ൽ 40,000 രൂപ നൽകിയാണ് ബാബു കാർ സ്വന്തമാക്കിയത്. നാല് പേർക്ക് സുഖമായി സഞ്ചരിക്കാം. എയർ കണ്ടീഷൻ, റേഡിയോ സംവിധാനങ്ങളുമുണ്ട്. റേഡിയോ ഓൺ ചെയ്​താൽ ഓട്ടോമാറ്റിക്കായി ഏരിയൽ പൊന്തി വരും. ഡോറുകൾ മറ്റുള്ള വണ്ടിയിലെന്നപോലെ വലിച്ചടക്കേണ്ട. പ്രസ് ചെയ്​താൽ പെട്ടെന്ന് ലോക്കാവുന്ന സംവിധാനമാണ്. കാറിൽ ബംഗളൂരു, ചെന്നൈ എന്നിവിടങ്ങളിൽ കുടുംബസമേതം സഞ്ചരിച്ചിട്ടുണ്ടെന്ന് ബാബു പറഞ്ഞു. 14 കിലോമീറ്റർ മൈ​േലജ്​ കിട്ടും. സൈറാഭാനു അടക്കം മൂന്ന് സിനിമകളുടെ ഭാഗമായി ഈ 'കോറോണ'. സത്യൻ അന്തിക്കാട് -മോഹൻലാൽ കൂട്ട്കെട്ടിൽ പിറന്ന ഒരു സിനിമയിൽ കാറ് മോഹൻലാൽ കഴുകുന്ന സീനുമുണ്ടായിരുന്നു. മോഹൻലാലിനും കാറ് വലിയ രീതിയിൽ ഇഷ്​ടപ്പെട്ടതായി ബാബു പറഞ്ഞു. പഴയ കാല വാഹനങ്ങളുടെ ശേഖരമുള്ള നടൻ മമ്മൂട്ടിയുടെ മകൻ ദുൽക്കർ, കുഞ്ഞൻ കാറിനെ കുറിച്ചറിഞ്ഞ്​ സഹായിയെ വിട്ട്​ വിലയ്​ക്ക്​ ചോദിച്ചെങ്കിലും ബാബു വിറ്റില്ല. ബാബുവി​ൻെറ കാർ കലക്​ഷനിൽ ഉണ്ടായിരുന്ന 1934 മോഡൽ ഫോർഡ് കാറും 1946 മോഡൽ ഓസ്​റ്റ്​ കാറും വിറ്റു. കോറോണ വിൽക്കില്ലെന്ന ഉറച്ച നിലപാടാണ്​ ബാബുവിന്​. തമിഴ് സിനിമ നിർമാതാവും മോഹൻലാലി​ൻെറ ഭാര്യാ പിതാവുമായ ബാലാജിയുടെ കൈവശവും കോറോണ കാറുള്ളതായി ബാബുവിനറിയാം. കാർ പേരക്കുട്ടിയും പ്ലസ് ടു വിദ്യാർഥിയുമായ അഭിമന്യു ഗൗതമന് സമ്മാനമായി നൽകാനിരിക്കുകയാണ് ബാബു. പി.ജി.രവികുമാർ വീട്ടമ്മയെ കൊലപ്പെടുത്തിയ കേസ്​: അയൽവാസി കുറ്റക്കാരൻ ആലപ്പുഴ: അശ്ലീല ചുവയോടെ സംസാരിച്ചത് ചോദ്യം ചെയ്​ത അയൽവാസിയായ വീട്ടമ്മയെ വെട്ടി കൊലപ്പെടുത്തിയ കേസിൽ പ്രതി കുറ്റക്കാരനാണെന്ന് കോടതി കണ്ടെത്തി. 13 ന് വിധി പറയും. നീലംപേരൂർ ഒന്നാം വാർഡ് കൈനടി അടിച്ചിറ വീട്ടിൽ വാസുദേവ​ൻെറ ഭാര്യ സരസമ്മയെ (60) കൊലപ്പെടുത്തിയ കേസിലാണ് കൈനടി അടിച്ചിറയിൽ പ്രദീപ്​കുമാർ (46 ) കുറ്റക്കാരനാണെന്ന് ആലപ്പുഴ അഡീഷണൽ ജില്ല കോടതി(മൂന്ന്​) കണ്ടെത്തിയത്. 2004 മെയ് 10നായിരുന്നു കേസിനാസ്​പദമായ സംഭവം . പ്രദീപ്​കുമാർ സരസമ്മയുടെ വീട്ടിലെത്തി വെട്ടുകത്തി ഉപയോഗിച്ച് കഴുത്തിലും മുഖത്തും കൈയിലും വെട്ടി പരിക്കേൽപിക്കുകയായിരിന്നു. ഗുരുതരമായി പരിക്കേറ്റ സരസമ്മയെ കോട്ടയം മെഡിക്കൽ കോളേജിൽ പ്രവേശിപ്പിച്ചെങ്കിലും അന്ന് തന്നെ മരിച്ചു. 11 സാക്ഷികളെ വിസ്​തരിച്ചു.16 രേഖകളും നാല്​ തൊണ്ടി സാധനങ്ങളും ഹാജരാക്കി. പ്രോസിക്യൂഷന് വേണ്ടി അഡീഷണൽ പബ്ലിക്​ പ്രോസിക്യൂട്ടർ പി.പി ഗീത ഹാജരായി.