ബാബരി മസ്ജിദ് പ്രതിഷേധ സംഗമം

ആലപ്പുഴ: ബാബരി മസ്ജിദ് മഥുരയിൽ ആവർത്തിക്കാൻ അനുവദിക്കില്ല എന്ന തലക്കെട്ടിൽ വെൽഫെയർ പാർട്ടി ജില്ല കമ്മിറ്റിയുടെ നേതൃത്വത്തിൽ അമ്പലപ്പുഴയിൽ പ്രതിഷേധ സംഗമം നടത്തി. സംസ്ഥാന വൈസ് പ്രസിഡൻറ്​ സുരേന്ദ്രൻ കരിപ്പുഴ ഉദ്ഘാടനം ചെയ്തു. ജില്ല ട്രഷറർ എം.എച്ച്. ഉവൈസ് അധ്യക്ഷത വഹിച്ചു. വൈസ് പ്രസിഡൻറ്​ നാസർ ആറാട്ടുപുഴ മുഖ്യപ്രഭാഷണം നടത്തി. കമാൽ എം. മാക്കിയിൽ (മുസ്​ലിം ലീഗ്), മാത്യു വേളങ്ങാടൻ (ജനകീയ പ്രതിരോധ സമിതി), എസ്. സുരേഷ് കുമാർ (കരിമണൽ ഖനന വിരുദ്ധ സമിതി), സജി ഫാസിൽ (എഫ്.ഐ.ടി.യു), ശ്രീകല ഗോപി (വിമൻ ജസ്​റ്റിസ് മൂവ്മൻെറ്​), സഹൽ വടുതല (ഫ്രറ്റേണിറ്റി), സബീർ ഖാൻ, അബ്​ദുൽലത്വീഫ് കരൂർ തുടങ്ങിയവർ ഐക്യദാർഢ്യ പ്രഭാഷണങ്ങൾ നടത്തി. ചിത്രം : വെൽഫെയർ പാർട്ടി ജില്ല കമ്മിറ്റി സംഘടിപ്പിച്ച ബാബരി മസ്ജിദ് പ്രതിഷേധസംഗമം സംസ്ഥാന വൈസ് പ്രസിഡൻറ്​ സുരേന്ദ്രൻ കരിപ്പുഴ ഉദ്ഘാടനം ചെയ്യുന്നു